អភិបាលខេត្តតាកែវអំពាវនាវដល់ប្រជាពលរដ្ឋ ត្រូវបង្កើនការប្រុងប្រយ័ត្នខ្ពស់ និងត្រូវមានវិធានការ ការពារចំពោះគ្រោះធម្មជាតិខ្យល់កន្ត្រាក់
07-June-2019 | ដោយ ពលមនសិការ
តាកែវ៖ អភិបាលខេត្តតាកែវ និងជាប្រធានកិត្តិយសសាខាកាកបាទក្រហមកម្ពុជាខេត្តតាកែវ ឯកឧត្តម អ៊ូច ភា បានផ្ញើសារដាស់តឿន និងក្រើនរំលឹកទៅដល់បងប្អូនប្រជាពលរដ្ឋទាំងអស់ ត្រូវតែបង្កើនការ ប្រុងប្រយ័ត្នឲ្យបានខ្ពស់ និងគិតគូររកទីតាំងសុវត្ថិភាព នៅអំឡុងពេលមានខ្យល់កន្ត្រាក់កើតមានម្តងៗ ពិសេស គឺមានវិធីសាស្ត្រសម្រាប់ការពារខ្លួនឯង។
ថ្លែងនៅក្នុងឱកាសអញ្ជើញចុះចែកអំណោយ មនុស្សធម៌កាកបាទក្រហមកម្ពុជាខេត្តតាកែវ ដល់គ្រួសារដែលរងគ្រោះធម្មជាតិខ្យល់កន្ត្រក់ចំនួន៤៥គ្រួសារ នៅស្រុកបូរីជលសារ និងស្រុកកោះអណ្តែត ខេត្តតាកែវ កាលពីព្រឹកថ្ងៃទី០៦ ខែឧសភា ឆ្នាំ២០១៩ ឯកឧត្តម អ៊ូច ភា អភិបាលខេត្តតាកែវ និងជា ប្រធាន កិត្តិយស សាខា កាក បាទ ក្រហមកម្ពុជាខេត្តតាកែវ បានមានប្រសាសន៍បន្តថា បញ្ហាគ្រោះធម្មជាតិនេះ យើងពិតជាមិនអាចដឹងមុន ឬស្មានបានឡើយ វាអាចមកគ្រប់ពេល ព្រោះនេះជាការបម្រែបម្រួល អាកាសធាតុ ដូច្នោះ សូមបងប្អូនប្រជាពលរដ្ឋទាំងអស់ ពិសេសអ្នកដែលមានគេហដ្ឋាននៅទីវាលសូមបង្កើនការប្រុងប្រយ័ត្ន និងមិន ត្រូវចេញពីផ្ទះឡើយនៅពេលដែលមានភ្លៀងខ្យល់កើតឡើងព្រោះវាអាច បណ្តាលឲ្យយើងមានគ្រោះថ្នាក់ដល់ អាយុជីវិត។
ឯកឧត្តមប្រធានកិត្តិយស បន្ថែមទៀតថា ប្រសិនបើបងប្អូនណាម្នាក់មិនមានការប្រុងប្រយ័ត្ន ឬធ្វេសប្រហែស ដោយមិនបានគិតគូរអំពីបញ្ហាប្រែប្រួលអាកាសធាតុនេះទេ វាអាចនឹងឲ្យយើងជួបបញ្ហា ជាក់ជាពុំខាន ពោលគឺអាចនឹងបាត់បង់អាយុជីវិតផងនិងខូចខាតទ្រព្យសម្បត្តិផង ប៉ុន្តែបើយើងមានការ ប្រុងប្រយ័ត្ន ហើយការពារអាយុជីវិតបាន នោះបញ្ហាខូចទ្រព្យសម្បតិ្ត យើងអាចរកបាននៅពេលក្រោយ តែបើបាត់បង់អាយុជីវិតហើយ នោះបាត់បង់រហូត។
ឯកឧត្តមប្រធានកិត្តិយសសាកខា បន្តទៀតថាទីណាមានទុក្ខលំបាក និងមានគ្រោះ មហន្តរាយនានា ទីនោះតែងតែមានមន្ត្រីគ្រប់លំដាប់ថ្នាក់ និងមន្ត្រីកាកបាទក្រហម ចុះទៅដល់ភ្លាមៗ ពោល គឺកាកបាទក្រហមកម្ពុជា នឹងនៅជិតប្រជាពលរដ្ឋ ចុះជួយបងប្អូនគ្រប់ពេលវេលា គ្រប់ទីកន្លែង ដោយមិនទុកឲ្យនរណាម្នាក់ស្លាប់ដោយសារតែអត់អាហារដែលយើងមិនបានដឹងនោះឡើយ ហើយសម្តេចគត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែណែនាំទៅដល់មន្ត្រីកាកបាទក្រហម ពិសេសក្រុមយុវជនកាកបាទក្រហមឲ្យចុះជួយបងប្អូនប្រជាពលរដ្ឋណា ដែលមានទុក្ខលំបាកលើបញ្ហាជីវភាព ជួបគ្រោះធម្មជាតិនានា ជនចាស់ជរាគ្មានទីពឹងស្ត្រីមេម៉ាយទីទល់ក្រជាដើម ជាពិសេសគឺឧស្សាហ៍ ចុះសាកសួរសុខទុក្ខបងប្អូងប្រជាពលរដ្ឋឲ្យដល់ខ្នងផ្ទះ។
អំណោយដែលបានផ្តល់ជូនរួមមាន៖ អង្ករ ២៥គីឡូក្រាម, មី ១កេស, កន្ទេល១, មុង១, ភួយ១, សារុង១, ក្រម៉ា១ និងថវិកាចំនួន។
ដោយឡែកឯកឧត្តម ឧបនាយករដ្ឋមន្ត្រី ប៊ិន ឈិន ប្រធានក្រុមការងារថ្នាក់ជាតិចុះជួយខេត្តតាកែវ ឧបត្ថម្ភថវិកា គ្រួសារ ដែលរងគ្រោះដោយខ្យល់កន្ត្រាក់ទាំង៤៥គ្រួសារ នូវថវិកា២០ម៉ឺនរៀលផងដែរ ៕
ចំនួនអ្នកទស្សនា
- ថ្ងៃនេះ1071
- ម្សិលមិញ12101
- សប្តាហ៍នេះ13181
- ខែនេះ128331
- ឆ្នាំនេះ128331
- សរុប20570787